Tra borghi piccin da Rivëa ligûre de levante, pin

de coi e ch'i te riceivan a bracce averte, dove pä che o

tempo o se segge fermòu. Tra mäveggiose sfûmatûe de

bleu, verdi scûggëe a straciongio in sciö mâ, e tramonti de

lungo diversci. Chi, tra e moèn segûe do mæ messiavo,

i mæ primmi passi i l'han incontròu o mondo, scrovindo e

primme emozioin. Chi i l'han voxe e mæ primme memöie,

tra ræ de pescoei e gossetti pittûæ coi coi nostræ.

Gianco, a votte con de righe bleu, magara, sott'ao bordo,

'na fascia lasciâ a legno, e 'na riga sotti, giana o rossa,

a marcâ a linea do gallezzamento. I stavan li, fermi, coa

prua giâ ao mâ a fissâ o zinnâ, quæxi pe aspet

â, con

anscietæ, che quarchedd'ûn o vegnisse a mettili in mâ, a

fali vive. O l'è ûn piaxei serâ i euggi e abbandonäse

ao tempo di regordi. Oua tûtto o gh à ûn savô neuvo.